दुलेगौंडाः सामाजिक सञ्जाल टिकटक बनाउने क्रममा सेतीमा बेपत्ता एक युवतीको शव भेटिएको छ ।
गत भाद्र २९ गते शुक्लागण्डकी ७ रक गार्डेनस्थित सेती नदीबाट बेपत्ता सोही नगरपालिकाको वडा नम्बर ८ लालिम माइत भएकी १९ वर्षिया पवित्रा लम्साललाई मंगलबार मृत भेटिएको प्रहरीले जनाएको छ ।
उनी टिकटक बनाउने क्रममा नदीमा डुबेको भनिए पनि सार्वजनिक एक टिकटक भिडियोले उनले आत्महत्या गरेजस्तो संकेत गरेको छ ।
यद्यपि यसबारे अनुसन्धान हुने प्रहरीले जनाएको छ । उनको शव नदीको घाटमा फेला परेको प्रहरीले उल्लेख गरेको छ ।