दमौलीः पहिरो खस्दा अवरुद्ध बनेको डुम्रे बेसिसहर सडकखण्डको यातायात नियमित बनेको छ ।
भानु ८ पाँच सय डाँडामा माथिबाट झरेको पहिरोका कारण सोमबार रातीबाट अवरुद्ध सडक बिहान ११ बजेबाट नियमित बनेको प्रहरीले जनाएको छ ।
सडक डिभिजनबाट गएको डोजरले पहिरोको अवरोध हटाएपछि यातायात सञ्चालनमा आएको छ । तर पनि पहिरो खस्ने सम्भावना भने अझै छ ।
प्रहरीका अनुसार पुरै अवरोध नहटेकाले एकतर्फी यातायात सञ्चालन भैरहेको छ ।
