दमौली: तनहुँ क्षेत्र नम्बर १ का सांसद एवं नेकपा एकीकृत समाजवादीका केन्द्रीय सदस्य किसान श्रेष्ठले आफ्नो पार्टी गण्डकीमा बलियो रहेको दावी गरेका छन् ।
पोखरामा आयोजित कार्यकर्ता भेलामा बोल्दै उनले माधव नेपाल पक्षबाट आफू मात्र भए पनि भारी पर्ने जिकिर गरे । उनले अब पार्टीलाई गण्डकीमा बलियो बनाउने र आफूले भूमिका खेल्ने बताए ।
श्रेष्ठले आफूले ओली समूहमा लागेर गल्ती महसुस गरेपछि नेपाल समूहमा लागेको र देउवालाई विश्वासका मत दिन मतदान गरेको बताए ।
आफू बीसौं वर्षदेखि ओली गुटमा रहे पनि गल्ती महसुस गर्दै माधव पक्षमा आएको उनको भनाइ थियो । ओलीले २ पटक संविधान विरोधी काम गर्दा पनि साथ दिएको बताउँदै उनले भने, ‘पछि गल्ती गरेको रहेछु भन्ने बुझें र शेरबहादुर देउवालाई विश्वासको मत दिएँ ।’
