दमौलीः म्याग्दे गाउँपालिका वडा नम्बर १ गुणादीकी क्यान्सरपीडित महिला राधिका खनाललाई दीर्घबहादुर थापा दम्पतीले आर्थिक सहयोग गरेका छन् ।
लामो समय देखि मेरूदण्डको क्यान्सर पीडित ५६ वर्षिय राधिका खनालको उपचार खर्च धेरै लाग्ने भए पछि राधिकाको छोरी सरिताले सहयोगको अपिलपछि थापा दम्पतीले सहयोग गरेका हुन् ।
व्यास नगरपालिका वडा नं २ अमरापुरी घर भएका दीर्घ थापा दम्पतीले नगद रू ५ हजार ५ रुपैयाँ दमौली न्युज डटकमका समाचार प्रमुख विकास खनाल मार्फत पीडित परिवारलाई बुझाएका हुन् ।
दमौली न्युजमा ‘म मेरो आमाको उपचार गरि आमालाइ बचाउन चाहन्छु , सहयोगको लागि अपिल’ भन्ने समाचार प्रकाशित भए पछि मानवीय सवेदनशिलता लाई हेरि सहयोग गरेको थापाले बताए ।
थापा दम्पतीले यस अघि पनि विभिन्न अप्ठ्यारोमा परेका परिवारलाई सहयोग गर्दै आएको थियो । जिल्ला बिकास समितिको ईन्जिनियरबाट अवकाशप्राप्त थापा हाल विभिन्न सामाजिक काममा अग्रसर छन । थापा परिवारको सहयोग प्रति क्यान्सर बिरामी राधिकाकी छोरि सरिता खनालले आभार प्रकट गरिन् ।
आमाको उपचारका लागि सहयोग गरेकोमा भगवानले हेर्ने सरिताले बताइन् । थापा दम्पतीले जस्तै खनालको उपचारका लागि अहिले अन्य विभिन्न ब्यक्ति तथा संघसंस्थाहरूले पनि सहयोग जुटाउने क्रम जारी राखेका छन् ।
दमौली अस्पताल हुँदै बेलचौताराको जीपी कोइराला अस्पताल , शिशुवा अस्पताल र भरतपुर क्यान्सर अस्पतालमा उपचार पश्चात् हाल पोखराको मेट्रोसिटि अस्पतालमा उपचार गराईरहेकी क्यान्सर बिरामी खनालको उपचारको लागि ठुलो रकम आवश्यक परेकाले अन्य सहयोगी मनहरूलाई पनि सहयोग गर्न सरिताले अपिल गरेकी छन्
