मुग्लिन : वर्षाका कारण पहिरो खसेपछि मुग्लिन नारायणगढ सडक पुन: अवरुद्ध भएको छ ।शुक्रबार विहान चितवन जिल्ला भरतपुर महानगरपालिका-२९ अन्तरगत १४ किलो र घुमाउनेमा लेदो सहितको पहिरोले राजमार्ग अवरुद्ध बनेको हो ।
विहान करिब ६ बजे खसेको पहिरो हटाउन सडक डिभिजन कार्यालय भरतपुरको मेशिन प्रयोग गरिएको छ । पहिरो हटाइ दुवै तर्फ राजमार्ग सञ्चालन गर्न ३ घण्टा समय लाग्न सक्ने प्रहरीले जनाएको छ ।
केही दिन यता सामान्य वर्षा हुदा समेत मुगि्लन नारायणगढ सडक खण्डमा पहिरो खसेर राजमार्ग अबरुद्ध हुदै आएको छ । पहिरो रोकथामको लागि गरिएको विभिन्न उपाय प्रभावकारी हुन नसक्दा राजमार्गमा पहिरो झर्ने समस्या भइरहेको हो ।