दमौलीः अविरल वर्षाका कारण तनहुँको आँबुखैरेनीस्थित पृथ्वी राजमार्गमा यातायात एकतर्फी भएको छ । वर्षापछि आँबु ४ मा पहिरो खस्दा राजमार्गको यातायात आगमन एकतर्फी बन्न पुगेको हो ।
बिहान ६ बजेतिर पहिरो खसेर आगमन अवरुद्ध भए पछि अवरुद्ध राजमार्गको यातायात पहिरो हटाइए पछि एकतर्फी बनेको जिल्ला प्रहरी कार्यालय तनहुँले जनाएको छ ।
डुम्रे–बेसिसहर एकतर्फी
पहिरोे खसे पछि अवरुद्ध डुम्रे बेसिसहर सडकको यातायात आगमन एकतर्फी बन्न पुगेको छ । प्रहरीका अनुसार भानु ८ पाँच सय फाँटमा दिउँसो खसेको पहिरो दुई घण्टा पछि हटाइए पनि त्यसयता भने राजमार्गको यातायात आगमन एकतर्फी बनेको प्रहरीले जनाएको छ ।
