दानबहादुर श्रेष्ठ
ऋषिङः अविरल वर्षासँगै आएको पहिरोका कारण ऋषिङ गाउँपालिकाका विभिन्न भागमा थप जनधनको क्षतिको आशंका गरिएको छ । तीन दिनयता निरन्तर वर्षा भैरहेपछि यस अघि नै श्रृंगपथअन्तर्गत अजम्बरीमा पहिरो खसेको छ ।
यसैगरी, श्रृंगपथका विभिन्न अरु ठाउँमा समेत पहिरो खसेका कारण आवतजावतमा कठिनाइ देखिएको छ ।
यातायात सेवा पूर्ण अवरुद्ध भएसँगै मानिसको आवतजावतमा कठिनाई भए पछि अहिले ऋषिङ, घिरिङ र भीमादबीच यातायात सेवा नियमित बनाउन समन्वय भैरहेको ऋषिङ गाउँपालिकाका अध्यक्ष राजेन्द्रकृष्ण श्रेष्ठले दमौली न्युजलाई बताए ।
विद्युत अवरुद्ध
वर्षाका कारण पहिरो तथा पोल ढले पछि अहिले ऋषिङ गाउँपालिकामा विद्युत आपूर्ति पूर्णतः ठप्प देखिएको छ । अहिले सञ्चार सेवामा समेत कठिनाइ आएको छ ।
