दमौलीः तनहुँमा पछिल्लो २४ घण्टामा तीन जनाको कोरोना संक्रमणका कारण ज्यान गएको छ ।
ज्यान जानेमा तीनै जना महिला छन् । स्वास्थ्य निर्देशनालय गण्डकीका अनुसार संक्रमितमा व्यास १ की ५५ वर्षिया महिला, भिमाद २ की ८० वर्षिया वृद्धा तथा व्यास ११ का ६४ वर्षकी महिला छन् ।
उनीहरु सबैको पोखराका विभिन्न अस्पतालमा उपचारका क्रममा ज्यान गएको निर्देशनालयको विज्ञप्तिमा छ ।
निर्देशनालयका अनुसार तनहुँमा पछिल्लो २४ घण्टामा ११ जनामा संक्रमण पुष्टि भएको छ । संक्रमितमा तीन महिला तथा आठ पुरुष छन् ।
