तनहुँ कोरोना अपडेटः व्यास २ की ६९ वर्षिया वृद्धाको मृत्यु, २५ संक्रमित

दमौलीः कोरोना संक्रमणका कारण व्यास २ की ६९ वर्षिया वृद्धाको ज्यान गएको छ ।

संक्रमणका कारण मणिपाल शिक्षण अस्पताल पोखरामा उपचार गराइरहेकी ती महिलाको आईतबार ज्यान गएको स्वास्थ्य निर्देशनालय गण्डकीले जनाएको छ ।

निर्देशनालयका अनुसार तनहुँमा पछिल्लो २४ घण्टामा थप २५ जनामा संक्रमण पुष्टि भएको छ । जिल्लाका ९२ जनाको कोरोना परीक्षण गरिएको थियो ।