दमौलीः व्यास ३ स्थित शिव पाञ्चायन माध्यमिक विद्यालयको अभिभावक भेलाले विष्णुभक्त न्यौपानेको अध्यक्षतामा विद्यालय व्यवस्थापन समिति चयन गरेको छ ।
जिल्ला समन्वय समिति तनहुँकी उप प्रमुख एवं संस्थापक अध्यक्ष पवित्रा पौडेलको प्रमुख आतिथ्यमा सम्पन्न भेलाले समिति चयन गरेको प्रधानाध्यापक बलराम वाग्लेले जानकारी दिए ।
भेलामा नगरपालिकाका शिक्षा शाखा प्रमुख नगेन्द्र रेग्मी, वडाध्यक्ष प्रेमकुमार श्रेष्ठ तथा वडा सदस्य रबिन पौडेल लगायत अभिभावकहरु उपस्थित थिए ।
नवगठित समितिका तिलबहादुर सुनार, दुर्गा काफ्ले र सुनिमाया विक सदस्यमा चयन भएका छन् । यसैगरी, विद्यालयका शिक्षक प्रतिनिधिमा हिमलाल घिमिरे चयन भएका छन् ।
यसैबीच, विद्यालयले सहायक प्रधानाध्यापकमा शिक्षक टिकाराम दाहाललाई चयन गरेको छ । प्रधानाध्यापक वाग्लेले विद्यालयले शैक्षिक सुधार गर्दै प्रगति गरिरहेको बताए ।
