दमौली: चर्चित टेलिभिजन कार्यक्रम गण्डकी छड्केका चर्चित प्रस्तोता अपील त्रिपाठी झण्डै दुई साता लामो जिएमसीअस्पताल बसाई पछि डिस्चार्ज भएका छन् ।
सामान्य अपरेशन गरिए पनि इन्फेक्सन देखिए पछि उनको स्वास्थ्य अवस्था अझ सहज हुन नसकेको पारिवारिक स्रोतले बताएको छ ।
अस्पतालबाट घर फर्के पछि सामाजिक सञ्जालमा एक पोष्ट गर्दै उनले घरमै थप उपचार र आराम गरिरहेको उल्लेख गरेका छन् ।
नियमित काममा फर्कन केही समय लाग्ने भन्दै अपिलले आफ्नो स्वास्थ्य अवस्थाबारे चासो, चिन्ता राख्ने तथा स्वास्थ्य लाभको कामना गर्ने सबैप्रति आभार प्रकट गरेका छन्।
