थर्पुः कोभिड संक्रमणका कारण ज्यान गुमाएका आफ्ना सदस्यलाई तनहुँ उद्योग वाणिज्य संघ थर्पु बजार एकाई र लायन्स क्लब अफ तनहुँ म्याग्देले एक लाख रुपैयाँ सहयोग गरेका छन् ।
क्लबका संस्थापक सदस्य तथा तनहूँ उद्योग वाणिज्य संघ थर्पु बजार इकाईका कार्यसमिति सदस्य यज्ञनारायण श्रेष्ठको कोभिड–१९ संक्रमण देखिएकामा उपचारका क्रममा निधन भएको थियो ।
क्लबका सदस्य तथा सामाजिक क्षेत्रबाट संकलित एक लाख रुपैयाँ पत्नी देवी श्रेष्ठलाई हस्तान्तरण गरिएको क्लबका संस्थापक अध्यक्ष एवं एकाई सभापति भीमलाल श्रेष्ठले जानकारी दिए ।
कार्यक्रममा क्लबका अध्यक्ष सुरेन्द्र अधिकारीसहित वर्तमान पदाधिकारीको उपस्थिती थियो ।
यस अघि तनहुँ उद्योग वाणिज्य संघले पनि परिवारलाई सहयोग गरेको थियो ।