दमौली: नेकपा एमाले (नेपाल) को व्यासमा एक भेला सम्पन्न भएको छ ।
नेकपा एमालेको नेपाल पक्षीय केन्द्रीय कमिटी बैठकबाट आएका पार्टी केन्द्रीय सदस्य एवं तनहुँ ईन्चार्ज प्रतापलाल श्रेष्ठ, सांसद कलिला खान सहितको उपस्थितिमा पछिल्लो विकसित राजनीतिक घटनाक्रम र पार्टी भित्रको आन्तरिक एकता, संघीय लोकतान्त्रिक गणतन्त्र र संविधानको रक्षा बारे मार्गनिर्देशन गर्दै आ आफ्नो धारणा राखे ।
जिल्ला सचिव श्रीराम कार्कीको संयोजनमा भएको उक्त कार्यक्रममा श्रेष्ठले अहिले पार्टी एकता प्रक्रिया अगाडि बढाउनु पर्ने बताए ।
कम्युनिष्ट आन्दोलनलाई रक्षा गर्दै समाजवादको यात्रा तय गर्नु पर्ने बेला एकल हिसाबले पार्टी सदस्यता नविकरण भन्दै अगाडि बढ्नु औचित्य नभएको उनले बताए ।
यसलाई बृहत रूपमा पार्टी एकता गरिसकेपछी सदस्यता नविकरण अभियान चलाउन नेपाल पक्षले नेतृत्वको ध्यानाकर्षण गराएको छ ।