आँबुखैरेनी: तनहुँ प्रहरीले १० किलो दुई सय २० ग्राम गाँजासहित दुई युवा पक्रेको छ ।
आँबुखैरेनी गाउँपालिका–४ मुग्लिङ पुलजिपस्थित पृथ्वी राजमार्ग चेक जाँचका क्रममा आँबुखैरेनीतर्फ जाँदै गरेका दुई युवालाई पक्राउ गरिएको प्रहरीले जनाएको छ ।
पक्राउ पर्नेमा जिल्ला कास्की रुपा गाउँपालिका–०७ घर भइ हाल मुग्लिङ बजार बस्ने वर्ष २५को मिलन परियार र पोखरा महानगरपालिका–३२ लेखनाथ बस्ने वर्ष २८को सुमन परियार रहेका छन् ।
ना १६ प ८२६८ नम्बरको मोटरसाईकललाई शंका लागि चेकजाँच गर्ने क्रममा पक्राउ परेका दुवैजना उपर थप अनुसन्धान तथा कारवाही प्रक्रिया अगाडी बढाईएको प्रहरीले जनाएको छ ।
प्रतिनिधि तस्बिर