दमौलीः म्याग्दे गाउँपालिकाले तनहुँ उद्योग वाणिज्य संघ थर्पू बजार एकाईका सभापति भीमलाल श्रेष्ठलाई सम्मान गरेको छ ।
गाउँपालिकाको आर्थिक तथा सामाजिक विकासका क्षेत्रमा योगदान दिएको भन्दै गाउँपालिकाले उनलाई सम्मान गरेको हो ।
गाउँपालिकाको नगर सभाका क्रममा जिल्ला समन्वय प्रमुख शान्तिरमण वाग्ले तथा अध्यक्ष माया रानाले उनलाई सम्मान गरेका हुन् । श्रेष्ठलाई सम्मानपत्र तथा दोसल्लाका साथ सम्मान गरिएको थियो ।
