म्याग्देः नव पसले युवा क्लब पसले आधारभूत विद्यालयको सरसफाई गरेको छ । विद्यालयमा वर्षाका कारण झार उम्रिएको तथा फोहोर भएकाले सरसफाई गरिएको क्लबका अध्यक्ष आशिष श्रेष्ठले जानकारी दिए ।
कार्यक्रममा वर्षाका बाबजुद क्लबका सदस्यहरुले विद्यालय परिसरको सफाई गरेका थिए । म्याग्दे ३ का वडाध्यक्ष श्रीबहादुर थापाले सामाजिक क्षेत्रमा युवाको सहभागीताको प्रशंसा गरे ।
स्थानीय युवा विधान रानाभाटका अनुसार युवा क्लब सामाजिक र खेल गतिविधिमा सक्रिय रहँदै आइरहेको छ ।