भीमादः जिस्क्याएको भन्दै बालबालिकालाई तातो पन्युले डामेको भन्दै भीमादका बालबालिकाको तस्बिर अहिले भाइरल भैरहेको छ ।
भीमादस्थित ६ शान्तिनगरस्थित प्रभात एकेडेमीका चार बालबालिकालाई विद्यालयका प्रिन्सिपल कृष्णदेव श्रेष्ठकी छोरी तथा लेखापाल शुष्मा श्रेष्ठले तातो पन्युले डामेको खुलेको छ ।
आफूलाई जिस्क्याएको भन्दै आक्रोशित लेखापालले यस्तो हर्कत गरे पछि अभिभावकले सामाजिक सञ्जालमार्फत घटना बाहिर ल्याएका हुन् । सानो गल्तीमा अमानवीय यातना दिएको भन्दै अहिले लेखापालको आलोचना भैरहेको छ ।
विद्यार्थी प्रमिस परियारका परिवारले सामाजिक सञ्जालमार्फत घटना सार्वजनिक गरेका थिए ।
अमानवीय यातना दिनेलाई कारबाही गर्नुपर्ने भन्दै विरोधसमेत हुन थालेको छ । पीडित बालबालिकाका अभिभावकले प्रहरीमा दोषीमाथि कारबाही गर्न माग गर्दै जाहेरीसमेत दिएका छन् ।
इलाका प्रहरी कार्यालय बेलचौताराका प्रमुख पोषण थापाले अभिभावकको जाहेरीपछि लेखापाल श्रेष्ठलाई नियन्त्रणमा लिएर अनुसन्धान थालिएको जानकारी दिए ।
