दमौलीः तनहुँ प्रहरीले अदालतबाट सजाय भुक्तान भै भुक्तान नगरेका ११ जनालाई बिहिबार पक्रेको छ । अदालतबाट सजाय फैसला भए पनि कार्यान्वयन नभएकालाई पक्राउ गर्दै अदालत बुझाउने क्रममा प्रहरीले एकै दिन ११ जनालाई पक्रेको हो ।
पक्राउहरुमा बैंकिङ कसुर, सवारी ज्यान, सम्बन्ध बिच्छेदलगायत मुद्दामा सजाय फैसला भएका व्यक्ति छन् । तनहुँका डिएसपी युवराज तिमल्सेनाका अनुसार उनीहरुबाट दुई लाख २ हजार रुपैयाँ जरिवाना तथा ८ दिन कैद सजाय बाँकी थियो ।
सजाय भुक्तानका लागि तनहुँ जिल्ला अदालतमा उपस्थित गराइएकामा केही जरिवाना तिरेर गएको र बाँकी सजाय भुक्तानका लागि कारागार चलान भएको प्रहरीले जनाएको छ ।
