दमौलीः कोरोना संक्रमणका कारण गण्डकी प्रदेशमा थप एकको ज्यान गएको छ ।
गण्डकी प्रदेश स्वास्थ्य निर्देशनालयका अनुसार नवलपरासी बर्दघाट सुस्ता पूर्वअन्र्तगत देवचुली ११ का ३१ वर्षिय पुरुषको संक्रमणका कारण शुक्रबार राती ज्यान गएको हो ।
चितवन मेडिकल कलेजमा उपचारका क्रममा उनको ज्यान गएको बुझिएको छ । उनीसँगै गण्डकी प्रदेशमा संक्रमणका कारण ज्यान जाने ३२ पुगेको छ ।
शुक्लागण्डकीमा दुई संक्रमित
पछिल्लो समय शुक्लागण्डकी नगरपालिकामा लगातार संक्रमित भेटिन थालेका छन् । पोखरा स्वास्थ्य विज्ञान प्रतिष्ठानको पे क्लिनिकमा परीक्षणका लागि गएका दुई जनामा संक्रमण भेटिए को छ । शुक्लागण्डकी ४ का १६ र १९ वर्षका पुरुषमा संक्रमण भेटिएको निर्देशनालयले जनाएको छ ।
