आँबुखैरेनीः आँबुखैरेनी गाउँपालिका २ ऐनापहरामा यात्रुवाहक बस र टाटा सुमो ठोकिंदा भएको दुर्घटनामा परी ज्यान गुमाउने तीन जना पुगेका छन् ।
आँबुखैरेनीबाट मुग्लिनतर्फ जाँदै गरेको ग ३ च ६०१२ नम्बरको टाटा सुमो विपरित दिशातर्फ गैरहेको ग २ ख ३०७ नम्बरको यात्रुवाहक बससँग ठोकिएर सडकबाट पाँच मिटर तल खस्दा भएको दुर्घटनामा परी ज्यान गुमाउनेमा सुमो चालकसहित यात्रु छन् ।
सुमो चालक तनहुँ शुक्लागणडकी ८ निवासी ३५ वर्षका ओमप्रकास गुरूङ छन् । यसैगरी,
शुक्लागणडकी नगरपालिका ८ निवासी ७३ वर्षका रूद्रबहादुर
सेन तथा सोही ठाउँकी ५० की लक्ष्मीकुमारी शाहीको ज्यान गएको प्रहरीले जनाएको छ ।
टाउकोमा चोट लागेर गम्भीर अवस्थामा उपचारका लागि पुरानो मेडिकल कलेज भरतपुर रिफर गरिएकामा उनीहरुको उपचारकै क्रममा ज्यान गएको प्रहरीले जनाएको छ ।
