भानुः लत्रिएको तार व्यवस्थापन नगर्दा करेन्ट लागेर बालिका घाइते भएको भानु ८ लौडनडिहीमा नेपाल विद्युत प्राधिकरणले तार व्यवस्थापन गरेको छ ।
नेपाल विद्युत प्राधिकरण तनहुँ वितरण केन्द्रका प्रमुख सोबितबहादुर क्षेत्रीले तार चुँडेको ठाउँमा मर्मत गरिसकिएको जानकारी दिए । ‘बालिका घाइते भए पछि मुचुल्का उठाउन केही समय मर्मत रोकिएको रहेछ,’ उनले भने,‘अहिले मर्मत भैसकेको छ ।’
दमौली न्यूजमा यसबारेमा समाचार आए पछि प्राधिकरणले मर्मत थालेको थियो ।
तीन दिन अघि भानु नगरपालिका वडा नम्बर ८,लौटनडिहीस्थित सडकमा लत्रिएको तारमा करेन्ट लागेर स्थानीय १० वर्षिया बालिका वर्षा विक घाइते भएकी थिइन् ।
अचेत अवस्थाकी उनको चितवन मेडिकल कलेजमा उपचार भैरहको र अवस्थामा पनि सुधार आइरहेको परिवारले जानकारी दिएका छन् ।
