दमौलीः तनहुँ उद्योग वाणिज्य संघको प्रथम उपाध्यक्षमा ईमकुमार मल्ल सर्वसम्मत भएका छन् ।
१६ औं महाधिवेशनमा उम्मेदवारी दिएका मल्लका पक्षमा अरु आकांक्षीे समर्थन जनाए पछि उनी सर्वसम्मत भएका हुन् । सो पदमा उम्मेदवारी दिएका सुरेश पुरीले उम्मेदवारी फिर्ता गरेका हुन् ।
यसैगरी संघको द्वितिय उपाध्यक्षमा कुमार मल्ल सर्वसम्मत भएका छन् । पदका प्रत्यासी डुम्रेका सुनिल श्रेष्ठ र नेक महमदले उम्मेदवारी फिर्ता लिए पछि मल्ल सर्वसम्मत भएका हुन् ।
यसैगरी एसोसिएटमा ओमराज श्रेष्ठले उम्मेदवारी फिर्ता लिए पछि शिवओम मल्ल पनि सर्वसम्मत भएको संघको सचिवालयले जनाएको छ ।
यद्यपि यसको आधिकारिक घोषणा भने अन्तिम फिर्ताको समय पछि गरिने संघकी कार्यकारी सचिव सीता गुरुङले जानकारी दिइन् ।
यसैगरी, अध्यक्षका प्रत्यासी अर्जुन अधिकारीले समेत उम्मेदवारी फिर्ता लिएका छन् ।