बागलुङ भदौ १८ । बागलुङ जिल्लाको ढोरपाटन नगरपालिकाको सुकुर्दुङ खोलामा बाढी आउँदा चार जनाको ज्यान गएको छ । झण्डै एक दर्जन बेपत्ता भएका छन् ।
गण्डकी प्रदेश प्रहरी कार्यालयका एसएसपी किरण रानाका अनुसार दुई शव भेटिएको छ । स्थानीय प्रशासन का अनुसार बाढीले कम्तिमा ३० बढी घर बगाएको छ ।
सुकुर्दुङ खोलाको बाढीले बोबाङ, सुर्कुदुङ र शेरावाङ गाउँका घर बगाएको हो ।
अविरल वर्षासँगै गएराति १२ बजेको समयमा आएको बाढीले घर बगाउँदा करिब एक दर्जन बढी सम्पर्क बिहिन रहेको इलाका प्रहरी कार्यालय बुर्तिवाङका प्रमुख प्रहरी निरिक्षक प्रकाशसिंह भण्डारीले जानकारी दिए ।