दुलेगौंडाः शुक्लागण्डकी नगरपालिका वडा नम्बर १० छाब्दी देउरालीमा मोटरसाईकल र ट्याक्टर ठोकिंदा एक महिलाको ज्यान गएको छ ।
साँखेबाट दुलेगौडा जाँदै गरेको ग ७ प ६९२४ नम्बर को मोटरसाइकल र दुलेगौंडाबाट आइरहेको ग १ त ३९९४ नम्बरको ट्याक्टर ठोकिंदा शुक्लागण्डकी नगरपालिका १ निवासी ४५ वर्षिया पिपलकौरी गुरुङको घटनास्थलमा नै मृत्यु भएको प्रहरीले जनाएको छ ।
मृतक महिला मोटरसाइकलमा सवार थिइन् । दुवै सवारी साधन र चालकलाई नियन्त्रणमा लिइएको प्रहरीले जनाएको छ ।
