काठमाडौँ: ७५औँ गणतन्त्र दिवसका अवसरमा काठमाडौंस्थित भारतीय दूतावासले एक विशेष समारोह सम्पन्न गरेको छ ।
दूतावास परिसरमा आयोजित कार्यक्रममा नेपालका लागि भारतीय राजदूत नवीन श्रीवास्तवले भारतको राष्ट्रिय झण्डा झण्डोत्तोलन गरेका थिए ।
त्यसक्रममा राजदूत श्रीवास्तवले मृतक भारतीय गोर्खा सैनिकका श्रीमती र परिवारलाई रु पाँच करोड सात लाख नगद तथा कम्बल सहयोगका साथ सम्मान गरे ।
कार्यक्रममा प्रस्तुत भारतीय राष्ट्रपति द्रौपदी मुर्मूको सम्बोधनमा उनले भारतको अध्यक्षतामा सफलतापूर्वक सम्पन्न जी–२० शिखर सम्मेलन र चन्द्रयान–३ मिशन बारे चर्चा गरेकी थिइन् ।
दूतावासले कार्यक्रमका अवसरमा ३० वटा संस्थालाई रु १९ लाख बराबरको पुस्तक उपहारस्वरुप वितरण गरेको छ ।