दमौलीः नेपाली कांग्रेसको स्थानीय तह निर्वाचन केन्द्रीय प्रचार प्रसार समितिमा तनहुँका दुई निर्वाचित केन्द्रीय सदस्य मनोनित भएका छन् ।
पार्टी सभापति शेरबहादुर देउवाले केन्द्रीय सदस्यद्वय गोविन्द भट्टराई र ध्रुव वाग्लेलाई समितिमा मनोनयन गरेको कांग्रेस केन्द्रीय कार्यालयले जनाएको छ ।
पार्टी केन्द्रीय सदस्य एवं प्रवक्ता डा. प्रकाशशरण महतको संयोजकत्वमा गठित समितिमा ६७ जना केन्द्रीय सदस्य छन् ।
गत चैत्र १५ गते मंगलबार सम्पन्न बैठकअनुसार ती केन्द्रीय सदस्यले प्रचारप्रसार समितिको जिम्मेवारी पाएका हुन् ।
