विकास खनाल
दमौलीः व्यास ९ कवादी खोलाकिनारमा एक नवजात शिशु मृत भेटिएका छन् । मंगलबार दिउँसो मृत भेटिएका उनको देब्रे पट्टिको खुट्टा र पेटका केही भाग वन्यजन्तुले खाएको अवस्थामा भेटिएको छ ।
स्थलगत अवलोकन गरेको प्रहरीले जंगली जनावरले खाएको हुन सक्ने अनुमान गरेको छ ।
स्थानीयबासीले वेवारिसे अज्ञात शिशु मृत अवस्थामा देखेपछि तत्कालै प्रहरीमा खबर गरेपछि प्रहरी घटनास्थल पुगेको थियो ।
घटनास्थल पुगेको प्रहरी टोलीले स्थलगत सर्जमिन गरेर शव दमौली अस्पतालमा ल्याई राखेको जिल्ला प्रहरी कार्यालय तनहुँका प्रहरी निरीक्षक शिवराज क्षेत्रीले जानकारी दिए ।
अवैध गर्भाधान भए पछि जन्माएर कसैले फ्याकेर हिँडेको हुनसक्ने प्रहरीले अनुमान गरेको छ । ‘कसैले जन्माएर छाडेर हिंडेको जस्तो देखिन्छ’, क्षेत्रीले दमौली न्यूजसँग भने ।
बेवारिसे अवस्थामा शिशु छाड्ने महिलाको खोजी कार्यलाई तीव्रता दिइने प्रहरीले बताएको छ ।
