दमौलीः अवधि सकिएको भन्दै विघटन गरेको नगरपालिकाले साउन मसान्तभित्र विद्यालय व्यवस्थापन समिति गठन गर्ने निर्णय गरेको छ ।
शुक्रबार बसेको नगर कार्यपालिका बैठकले भौतिक दूरी कायम गर्दै साउन मसान्त भित्र अभिभावकहरुबाट व्यवस्थापन समिति गठन गर्न विद्यालयहरुलाई निर्देशन पनि जारी गरेको छ ।
अहिले नगरपालिकामा वडाध्यक्षको नेतृत्वमा बनेको समन्वय समितिबाट विद्यालयका काम अघि बढिरहेका छन् । कांग्रेसको बाहुल्यता रहेको नगरमा कांग्रेसको स्थानीय चुनावपूर्व विव्यस चुनावमा आकांक्षीको व्यवस्थापन समते हुने विश्वासका साथ यो निर्णय गरिएको नगरपालिका निकट श्रोत बताउँछ ।
बैठकले निषेधाज्ञा अवधिभर भौतिक उपस्थितिमा कक्षा सञ्चालन नगर्न सबै सामुदायीक एवं संस्थागत विद्यालयलाई निर्देशन दिने निर्णय पनि गरेको छ ।
