बन्दीपुरः तनहुँ प्रहरीले बन्दीपुर ६ ज्यामिरेस्वाँराबाट दुई पेस्तोल बरामद गरेको छ ।
स्थानीय अशोक गुरुङको घरबाट सुटकेसमा लुकाएर राखिएको पेस्तोलसँगै गोली तथा गैंडाको खागजस्तो देखिने वस्तुसँगै छालाजस्तै देखिने वस्तुहरु पनि बरामद भएको प्रहरीको भनाई छ ।
ईलाका प्रहरी कार्यालय भानुमुकाम डुम्रे र बन्दीपुर प्रहरी चौकीबाट गएको टोलीले सोमबार ती वस्तु बरामद गरेकामा मंगलबार घरधनी अशोकलाई पक्राउ गरिएको प्रहरी नायब उपरीक्षक युवराज तिमल्सेनाले बताए ।
अशोक र विरेन गुरुङले ‘हतियार देखाएर आतंकित गराएको’ सूचनापछि प्रहरी टोलीले छापा मार्दा ती वस्तु बरामद भएको उनले बताए । घटनामा थप अरुको संलग्ताका विषयमा पनि अनुसन्धान भैरहेको उनले बताए ।