दमौलीः चाडबाडका बेला चितुवा आतंकका कारण ज्यान जाने घटना तनहुँमा फेरि पुनरावृत्ति भएको छ ।
सोमबार बन्दीपुरको बाहुनभञ्ज्याङमा चितुवाले आक्रमण गर्दा नौ वर्षिया बालिकाको ज्यान गएको गाउँपालिका अध्यक्ष पूर्णसं थापाले जानकारी दिए ।
बन्दीपुर ५ मा पर्ने सो ठाउँमा ज्यान जाने ती बालिकाको नाम स्मृति थापा भएको बताइएको छ ।
विगतका बेला पनि दशैं र तिहार जस्ता चाडबाडमा चितुवाले बालबालिकामाथि आक्रमण गर्ने गरेको थियो ।
चाडबाडका समयमा घरमा बालबालिकालाई एक्लै नछाड्न तथा झाडी फाँड्न र घर अँध्यारो नराख्न वन डिभिजन प्रमुख कोमलराज बरालले आग्रह गरे ।
