देवघाटः सोमबार दमौलीमा कांग्रेसले गर्न लागेको विरोध सभालाई शक्ति प्रदर्शनका रुपमा कांग्रेसले लिएको छ । सभामा सक्दो कार्यकर्ता उतार्ने निर्णय शनिबार देवघाटमा बसेको भेलाले लिएको छ ।
पार्टी देवघाट सभापति प्रेमबहादुर गुरुङको अध्यक्षतामा बसेको भेलाले सबै वडाबाट सक्दो कार्यकर्ता उतार्ने निर्णय गरेको पार्टीले जनाएको छ । यसका लागि सबै भ्रातृ संस्था परिचालन गर्ने निर्णय गरिएको छ ।
महासमिति सदस्य रामचन्द्र अधिकारीको प्रमुख आतिथ्यतामा भएको भेलामा कोषाध्यक्ष रेशम गुरुङ, सह सचिव एवं जिल्ला प्रतिनिधि केशबहादुर सुनार, जिल्ला सदस्य चिजा श्रेष्ठ, आमन्त्रित सदस्य सुरेश भट्टराईलगायत उपस्थित थिए ।